Halabuka oko divljanja pojedinih subdebilnih skupina polahke se stišava. To ne znači da su problemi rešeni. Ne verujem da su se budale tere su incidente izazivali do sad spametili. Zapraf nije me ni briga za stanje mozga onih teri se ne uklapaju v civilizirane društve, bitne da ih se, ak nisu civilizirani, mekne i udalji od normalnih ljudi da nam ne smradiju zrak.

V javnosti se barata z nekakvim pojmovima «subkulturnih skupina», pa se spominjeju skinheadsi, punkeri, metalci… Večina ljudi valjda nema ni poima kaj to znači i kak bi doj prepoznal nekoga od tih subkulturnjake.

Ova grupica balavih debile kaj su mlatili pucke po zabočkom parku sigurne nisu skinheadsi. Evropski skinheadsi  su pokret za rasnu čistoču ili neonacisti i reakcija su na preveliki broj strancih kaj se doselil v zapadnu i srednju Evropu, prije sega na Turke i ostale istočne narode čija se kultura i ponašanje razlikuje od kulture i običaja zemlje domačina. Skinheadsi, kak im i ime govori, raspoznajeju se po obrijanim glavami, a za svoju nacionalnu čistoču boriju se agresivnim metodami, nasiljem itd.

Ovi majmuni kaj su v Zaboku napravili sranje nikak nemreju biti skinheadsi jer se ne boriju za domaču kulturu kad poslušaju narodnjake. To bi bile iste tak kad bi njemački skinheadsi poslušali tursku mužiku! Dripci bi se mogli zvati emptyheadsi. Uostalom to je ionak šačica neodgojenih balavih bedake teri nisu u stanju niš druge napraviti nek tuči one teri im nisu u stanju vrnuti.

Si se pitame zakaj ta mlađarija nori bez veze?

Prije sega zate jer nemaju drugoga posla. To su večinom razmaženi balavci z menjim stupnjem inteligencije ili psihičkim poremečajima koji se nemreju dokazati na drugi način. Nemaju nikakvu ljudsku kvalitetu vrednu spomena pa im je to jedini način da bi se iskazali. Afinitet prema narodnjakima dokaz je primitive i sklonosti Balkanu i istoku, a ne Evrope. To je srpsko istočnjačka, a ne hrvatska mužika. Ti balavci nisu ni svesni da se to za vreme rata popevale na druge strani.

Punkeri i metalci su prije sega vezani za vrstu mužike teru poslušaju, znači punk i metal. Po tomu bi v punkere spadal i glasnogovornik PU, ali i ja sam. Činjenica je da se punk zaniva na buntu i otporu, ali prije sega buntu protiv gluposti i malograđanštine. Punkeri i metalci zapravo su v največoj meri natprosečne inteligentni, jer je i ta mužika angažirana i teža za razmeti. Ljubitelji lakih nota to nazivaju ropanje zate jer ne razmeju sadržaj. Tu se stvari vrtiju oko banalnosti i apsurda, a s tim se prosečni um neče zamarati. Največi broj metalce i pankere v odrasle dobi spada v intelektualce.

Ovi kaj kričiju da je jedanaest preplačenih kaj se loptaju svetinja, a poklje toga razbijaju si glave, autobuse i izloge, to nigdar nemreju biti.

Policiji je došle vreme da se iskaže kolike je sposobna rešavati ovakve probleme. Policajci bi morali istražiti otkud nasilje dolazi, a ne kažnjavti po umetničkom dojmu i pisati zapisnike nakon bitke. Iste tak morali bi znati da je način oblačenja dio izražavanja, a ne znak da je nešči nasilnik ili drogeraš. Baš suprotne.

Ovi balavci, a i njihovi starci morali bi se zamisliti kaj bi bile kad bi slučajne dirnuli dete od kojega branitelja teri ima kratki fitilj.

Dok je same policija ta koja ureduje još je dobre, ali ak ona nebu u stanju divljake smiriti ljudi se buju morali sami organizirati i očistiti prostor od gamadi.