Neki sam dan imel razgovor z našim kiparem Žigu. Čovek mi se požalil na nezavidnu materijalnu i egzistencijalnu situaciju v teroj se nalazi. Niš novoga, rekli bi na prvi pogled, nije jedini, moral bi više brige voditi o onomu kaj dela i na koji način vodi obiteljske financije.

Si mi se snalazime na način na koji najbolje zname i ake nam neki posel nejde morame ga menjati i delati one od čega ima kakve-takve koristi. To bi i Žige trebale reči, čuj stari modeliranje gline ostavi za slobodne vreme i primi se posla koji ti bu omogučil nekakve prihode, kolike god bil bez veze. Ni jeden posel nije za podcjenjivanje. I sam sam osetil kaj znači borba za egzistenciju, bil sam i direktor i perač kamione i štale sam snažil i TV emisije delal i kruh mesil … Jebi ga, takev je život. Sposobnost i talent ne daju se navek iskoristiti na najbolji način, negda i drugi uvjeti i kriteriji određuju pute kojima treba krenuti da bi se preživele.

No moja poruka nije da bi Žiga trebal delati v autopraone jer od umetnina nemre živeti.

Pitam ja se nas skupa da li mi takvoga umetnika, ili bolje rečene da li mi umetnike, sportaše i ostale vredne i uspešne ljude z našega kraja trebame ili ne?

V naše županije pune je reči potrošene na razvoj turizma, promocije kulturnih i prirodnih vrednosti i ljepota. Na bazi njih temeljili bi dober dio svojega razvoja, pogotove turizma.

I tu ja vidim Žigu. Ko jednu vrednost koju trebame zaštititi od propadanja ne zbog njega neg zbog nas. Ake se slažeme da su njegve umetničke sposobnosti i dostignuča vredna međunarodnih priznanja, onda je on vrednost koju mi morame podržati, očuvati i iskoristiti.

A da li mi imame popis vrednosti koje bi trebali čuvati?

Da li mi uopče zname za kaj bi Žigu ili bile kojega umetnika ili sportaša koji je na glasu mogli iskoristiti? Bojim se da ne.

Garantiram da v naše sredine ima nekolicina vrhunskih umetnika koji su svojim delem zaslužili barem da im Županija daje činovničku plaču da bi se mogli posvetiti stvaranju koje ne bu same za denašnje vreme. Mi gradime ceste, hiže, zgrade, one imaju veliku vrednost, ali kak duge? Jeden nam umetnički rad denes ne treba, nemame za njega penez, ali kaj bume ostavili ko vrednost za budučnost? Hiže i ceste tere buju iduče generacije rušile i obnavljale? Kaj bi bile da nam naši pretki nisu ostavili umetničke vrednosti? Š čim bi se mi denes mogli pofaliti i do bi mi uopče bili!?

Barbari bez kulture, imena i identiteta!

Pa kaj sme na te spali da nisme u stanju prepoznati i pomoči našima čije ruke stvaraju nekaj vrednoga da to delaju na našu korist, a mi da se moreme faliti kak imame vrednosti kak je Popijač. Za one teri ne razmeju Žigu sam spomenul ko primer, a mislil sam na se one talentirane i vredne ljude tere bi morali nositi ko kap vode na dlanu. Kaj delaju županijski činovniki zaduženi za kulturu? Imaju oni kakva rešenja, predloge, ideje, su poduzeli kakve akcije ili im je jedina briga dočekati 3 vure kad s posla ideju doma.